Fatmir Xhafaj, ish-një ndër krerët e Reformës në Drejtësi, do jetë sërish në lajmet e zakonshme të politikës. Pas kohësh në prapaskenë, që kur la postin e ministrit të Brendshëm, ai është rikthyer si kreu i komisioni të sapoformuar antikorrupsion.
Ky komision, i cilësuar madje superkomision, me status parlamentar, nisi punë të këtë premte, me Xhafajn që kumtoi se “procesi do të jetë gjithëpërfshirës”, referuar ftesës së opozitës për prani e rol aty.
Por opozita ka bojkotuar, gjë që ka detyruar Xhafajn t’i kujtojë se kështu po gabon, si në të kaluarën.
“Roli i opozitës, me rëndësi për qëllimin e kësaj reforme. I keqardhur që opozitës nuk i është bashkangjitur këtij komisioni. Puna e këtij komisioni shkon përtej interesave të partive politike. Edhe në komisionin e reformës në drejtësi, opozita mungoi në disa mbledhje, por reflektuan me vonesë. Shpresoj shumë që të mos bëjnë të njëjtin gabim”, u shpreh Xhafaj. /tesheshi.com/
