Presidenti serb Aleksandar Vuçiç pohoi së fundi se miratimi i rezolutës së OKB-së për gjenocidin në Srebrenicë shërben për të kërkuar dëmshpërblime lufte nga Serbia, ndërsa synimi i hyrjes së Kosovës në Këshillin e Evropës është padi kundër Serbisë, duke pranuar se nuk ka një shans të madh për të ndaluar këto procese.
Udhëheqësi serb, siç raportohet nga agjencia FoNet, u tha gazetarëve se rezoluta për Srebrenicën përfaqëson një “shkelje brutale të Marrëveshjes së Paqes të Dejtonit”, e cila ndaloi luftën në Bosnje dhe Hercegovinë në vitin 1995 dhe se vendimi do të merret me mbivotim. Përveç kësaj, ai pohoi se shumë do të votojnë për rezolutën me vështirësi, por se disa duan të mbulojnë heshtjen e tyre për Gazën dhe t’u thonë muslimanëve: “E gjetëm fajtorin, këtu janë serbët” dhe se “shumë vende islame e kanë kuptuar këtë”.
Serbia, me mbështetjen e Rusisë, kundërshton fuqishëm rezolutën e planifikuar të OKB-së që do të inkurajonte qeveritë në mbarë botën të shënojnë 11 korrikun si ditë përkujtimi për viktimat e Srebrenicës,.
Vuçiç tha se pritet që seanca e Këshillit të Sigurimit të OKB-së të mbahet më 9 maj dhe se rezoluta për Srebrenicën dhe vendimi për hyrjen e Kosovës në Këshillin e Evropës do të miratohet në të njëjtën javë, nga 10 maji deri më 16. /tesheshi.com/
