Presidenti serb Aleksandar Vuçiç ka njoftuar në profilin e tij në Instagram se ka folur me presidentin rus Vladimir Putin, duke shprehur bindjen se Serbia nuk do të vendosë sanksione ndaj Federatës Ruse.
Siç tha ai, ata nuk kanë biseduar për dy vjet e gjysmë dhe tema kanë qenë marrëdhëniet bilaterale.
Ai tha gjithashtu se kanë pasur një bisedë të mirë, të hapur, të gjatë dhe kuptimplotë.
Ai thotë se veçanërisht e ka falënderuar Putinin që është siguruar që Serbia të ketë sasi të mjaftueshme të gazit këtë dimër, me çmime shumë të favorshme.
“Shpreha bindjen se nuk do të vendosim sanksione ndaj Federatës Ruse”, shkruan Vuçiç.
“Falënderova presidentin Putin për urimet e tij dhe tregova frymën e palëkundur të lirisë së popullit serb dhe falënderova njësitë e Ushtrisë së Kuqe që së bashku me njësitë serbe morën pjesë në çlirimin e kryeqytetit tonë”, shtoi presidenti serb.
Ai gjithashtu theksoi se kanë biseduar për çështje të rëndësishme politike, por për këtë do të flasë më vonë. /tesheshi.com/
