Deputetja më e votuar kosovare në zgjedhjet parlamentare 2014, me mbi 30 mijë vota, Vjosa Osmani, në zgjedhjet e partisë së saj, LDK-së, ka vendosur të sfidojë kryetarin dhe kryeministrin Isa Mustafa.
Në një intervistë televizive sonte ajo ka bërë të ditur këtë dhe ka shpalosur platformën, me të cilën synon të udhëheqë me partinë.
Osmani ka thënë se do ta prezantojë çdo ditë platformën e saj dhe se beson që shumica e delegatëve në Kuvendin e 31 majit do ta përkrahin.
Qëllimi kryesor i Osmanit, sipas saj, është kthimi i LDK-së si partia e parë në vend.
Ditë më parë, kryeministri Mustafa poashtu në intervistë televizive ka paralajmëruar se do të kandidojë për kryetar të LDK-së, të cilën edhe aktualisht e udhëheqë.
Më parë, edhe ish-presidenti i Kosovës Fatmir Sejdiu ka paralajmëruar kandidimin për kryetar të LDK-së, të cilin post e mbante pas Rugovës e para Mustafës
