Arrihet marrëveshja me Iranin për kufizimin e programit bërthamor në këmbim të lehtësimit të sanksioneve. Pakti historik u arrit pas bisedimeve të stërzgjatura e shumë delikate në Vjenë, e diplomatët thanë për agjencitë e lajmeve se edhe pengesat e fundit ishin sqaruar duke sjellë një marrëveshje.
Gjashtë fuqitë e mëdha, ku përfshihet Rusia dhe Shtetet e Bashkuara, ishin në negociata me Iranin.
“Gjithë puna e vështirë na u shpërblye dhe arritëm marrëveshje. Zoti e bekoftë popullin tonë”, tha një diplomat Iranian.
Grupi P5+1kërkojnë që Irani të kufizojë aktivitete të vecanta bërthamore në mënyrë që të mos ndërtojë armë atomike, ndërsa Irani, që po ndjen peshën e sanksioneve ndërkombëtare në ekonomi, ka këmbëngulur gjithmonë se programi bërthamor është vetëm për qëllime paqësore. /tesheshi/
