Zgjedhja e Shpëtim Idrizit, kreut të PDIU-së, në postin e N/Kryetarit të Kuvendit të Shqipërisë, vijon të sjellë reagime nga ana e përfaqsuesve të minoritetit grek në Shqipëri. Së fundi është dhe organizata OMONIA ajo që ka nxjerrë një deklaratë, ku e konsideron këtë emërim si njollë për shtetin shqiptar:
Përfshirja e partisë PDIU në koalicionin qeverisës si dhe zgjedhja e Idrizit në pozicionin e N/Kryetarit të Parlamentit Shqiptar, njollos imazhin e shtetit të rilindur që mundohet të promovojë Kryeministri i Shqipërisë.
Në një kohë që e gjithë Europa ndjek me shqetësim rritjen e valës së një nacionalizmi ekstrem dhe forcat e shëndosha demokratike pozicionohen kundër tij duke izoluar këto fenomene, z. Rama me veprimet e tij dhe deklaratat publike vepron ne drejtimin e kundërt. Kulmin e kësaj politike te rrezikshme e përbën edhe përfshirja ne koalicionin qeverisës të një partie qe të vetmen arsye ekzistence ka kultivimin e urrejtjes ndaj Greqisë dhe helenismit në përgjithësi.
Kujtojmë që akti i parë reagues ndaj emërimit të Idrizit si numër 2 i Parlamentit Shqiptar, ishtë dorheqja e Vangjel Dules, kreut të PBDNJ-së, nga i njëjti post. Siç dihet, marrëdheniet mes të dyve, prej vitesh ndodhen të acaruara. /tesheshi.com/
