“Shshshsht..po flet shoku Enver” – është kjo e vetmja frazë e kinemasë shqiptare kushtuar luftës nacionalçlirimtare, ku në qendër është Kongresi i Përmetit. Fjala është për një frazë të Kanan Tafilit (Timo Flloko) tek ‘Shtigje Lufte’, teksa trimi i njohur po ndiqte me vënendje fjalën e komandantit dhe dikush po e thërriste.
71 vjet më parë do të mblidhej Kongresi i Përmetit, aty ku sipas historianëve do vendoseshin përfundimisht themelet e pushtetit komunist që do të udhëhiqte Shqipërinë për afro gjysëmshekulli.
Në këtë kongres gjithashtu do të merrej vendimi dhe për moskthimin më në të atdhe të Ahmet Zogut.
Historiani i njohur Bernd Fisher, thotë se ky ishte i pari aktivitet politik i komunistëve që do mbyllej me program argëtues, një si tip varieteje socialist-realiste me këngë e valle. Siç sqaron Fisher, ishte kjo një formë e zgjedhur nga Hoxha për të përcjellë ndër banorë mesazhin se e keqja kish mbarruar dhe se shumë shpejt jeta do i kthehej normalitetit.
Ja disa nga vendimet bazë të Kongresit të Përmetit:
1.Shqipëria do të kishte një qeveri demokratike dhe popullore, sipas vullnetit të popullit të shprehur në Këshillin Antifashist të Çlirimit Kombëtar.
2.Mbreti Zog ndalohej të kthehej në Shqipëri.
3.Nuk njihej kurrfarë krijimi i një qeverie tjetër në Shqipëri ose jashtë vendit.
4.Të gjitha traktatet ose marrëveshjet e përfunduara nga qeveria shqiptare me vendet e tjera pas vitit 1939 do të rushqyrtoheshin, ose shpalleshin të pavlefshme sipas rastit.
Kongresi i Përmetit vijon sot të jetë prezent vetëm si datë: “24 Maji”, që është klubi i futbollit i Përmetit. /tesheshi.com/
