Dy drejtorët e Fondit për Sigurim Shëndetësor, Maja Parnaxhieva dhe Xhemali Mehazi dhanë dorëheqje nga posti, për shkak të, siç thonë, shkaqeve morale, pas vdekjes së Tamarës 10 vjeçare nga Velesi, të cilës shteti nuk i ndau fond në vlerë prej 30 mijë euro, të nevojshme për mjekim jashtë shtetit. Ditë më parë, ajo ndërroi jetë dhe kjo ka trazuar ndërgjegjen shoqërore të vendit.
“Tërë jetën time do ta bart me vete, edhe pse jam e vetëdijshme se gjithçka që kemi mundur, kemi bërë, gjithçka”, tha – Zmejkova, përderisa Mehazi nuk ka komentuar publikisht.
Qindra qytetarë në Shkup kërkuan dorëheqje nga ministri i Shëndetësisë, Nikolla Todorov. Ata thonë se për shkak të neglizhencës së institucioneve që ai i udhëheq, ndërroi jetë Tamara e vogël e cila kishte nevojë të shërohej jashtë Maqedonisë, por kjo u refuzua disa herë nga Fondi Shëndetësor. Por Todorov nuk ka pranuar të dorhiqet, duke mos u ndjerë fajtor për vdekjen e Tamarës 10-vjeçare. /tesheshi.com/
