Në dëgjesën publike të organizuar në Vlorë, aty ku kryeministri Rama mbledh hallet e dertet e popullit në parapërgatitje për të ndërtuar vizionin e ri qeverisës të kabinetit të shtatorit, promovuar si një “koalicion me njerëzit”, u shfaq dhe një grua me ankesën e saj individuale mbi një problem që kishte prej vitesh me hipotekën.
Në një moment ajo përmendi fatkeqësinë që i kishte rënë në familje, vdekjen e një vajze 30 vjeçe, duke shpërthyer me fjalët: “Vajzën që më vdiq e harrova, por hipotekën jo!”.
Ishte kjo një formë për ta shprehur me një metaforë sa më të fuqishme marrazin që kishte prej sorollatjeve që i shkaktonte hipoteka në vite.
Ndërkohë, dëgjesat publike të Ramës janë katandisur në ankesa qytetarësh për hallet e tyre personale. /tesheshi.com/
