Revoltohen mjekët dhe pedagogët pas rishikimit të buxhetit nga qeveria, ku raportohet se dy nga sektorët më të sakrifikuar janë arsimi dhe shëndetësia.
Anika Dokle, një mjeke e njohur dhe simpatizante e së majtës, ka fshikulluar fort titullarin e Shëndetësisë që e ka lejuar një gjë të tillë.
“Ore, ku ju çon mushka ju?! Apo mbaruat punë me koncesionet???? Rishikohet buxheti, ulja më e madhe në Shëndetësi”, shkruan Anika Dokle në profilin e saj në facebook. Kurse analistja dhe pedagogia Zamira Çavo, kritikon edhe uljen e buxhetit për arsimin. Kryeministri Edi Rama, në fushatën elektorale të vitit 2013 kur shpalli programin e “Rilindjes” pati deklaruar se arsimi dhe shëndetësia do të jenë prioritetet e rilindjes.
Ndërkaq, publiçisti Dylgjeri, shprehet mjaft kritik me situatën në institucionet shëndetësore duke sjellë një përvojë të jetuar në Qendrën Spitalore Universitare “Nënë Tereza”.
“Ambjenti ofronte temperaturën e jashtme të këtyre ditëve të nxehta, deri në 38 grade, dhe sikur të mos mjaftonte i nxehti përvëlues, në pasdite të sulmonin nga dritaret me rrjeta të shqyera. Vetëm duke e jetuar vetë e kupton se si është gjendja në shendetësi sot. Kështu, duke iu drejtuar Ministrit Ilir Beqja në veçanti, dhe drejtorise së QSUT-së, do të thërrisja fort: Mos gënjeni më o mashtrues! Lëvizni nga karriket dhe shikoni si vuajnë pacientet në këtë vapë përvëluese. Rregulloni hotelerinë e spitaleve e pastaj mendoni për dhenien e koncesioneve!
Regulloni WC-të se janë bëre më të pista se Ju. Se fundi, nëse doni, jam gati të dal përpara mediave e kujdo për këto që kalova e tregova”.
Rënia më e madhe në investime do të jetë në sektorin e shëndetësisë në të cilën kemi përgjysmim të asaj që ishte parashikuar në buxhetin e vjetër. Kështu akti normativ parashikon që në sektorin shëndetësor investimet të bien nga 18 miliardë lekë në 9 miliardë lekë të vjetra. Rënia e të ardhurave ka ardhur edhe nga evazioni fiskal, gjë që u bë e ditur edhe nga krerët e Fondit Monetar Ndërkombëtar.
/tesheshi.com/
