Shfaqjet e shpeshta të tifozëve në fushën e futbollit gjatë Kampionatit Evropian, i cili tashmë po mbahet në Gjermani, kanë shtyrë organizatorët dhe Federatën Evropiane të Futbollit që të marrin masa të rrepta.
Në ndeshjen mes Portugalisë dhe Turqisë (3:0) në Dortmund të shtunën, disa sosh zbritën disa herë në fushë me synim Ronaldon për selfie.
“Do të merren masa shtesë sigurie në stadiume për të përmbushur më tej kërkesat e turneut dhe për të parandaluar incidente të tilla”, tha UEFA.
Por ajo nuk dha detaje specifike për masat individuale.
“Siguria në stadium, në fushë dhe në ambientet e ekipit është prioriteti kryesor i UEFA-s, DFB-së gjermane dhe organizatorëve të Kampionatit Europian”, deklaroi UEFA, duke theksuar pasojat ligjore për ata që hyjnë në fushë pa autorizim.
“Çdo hyrje në fushë nga një person i paautorizuar është një shkelje e rregullave të stadiumit dhe do të rezultojë në përjashtim nga stadiumi, ndalim nga të gjitha ndeshjet e Europianit dhe akuza penale për hyrjen në fushë”. /tesheshi.com/
