U penalizuan nga dekriminalizimi, por kanë akoma imunitet diplomatik

Janë larguar nga Kuvendi ose janë arrestuar sepse në të shkuarën e tyre kanë pasur rekorde kriminale, por vijojnë të përfitojnë privilegjet që kanë pasur kur ishin deputet.

Kjo gjë ka ndodhur me disa deputetë të Kuvendit të Shqipërisë që u penalizuan gjatë sesionit të shkuar për shkak të CV-së së tyre. Atyre iu hoq imuniteti i deputetit dhe disave dhe mandati,  por në fakt vijojnë të kenë imunitet diplomatik.

Instituti i Studimeve Politike  ka zbulaur se të gjthë ata vijojnë të kenë pasaporta diplomatike të lëshuara nga Ministria e Punëve të Jashtme.

ISP  i është drejtuar me një letër Kuvendit të Republikës, ku i kërkon që ti hiqet imuniteti diplomatik të gjithë deputetëve e inkriminuar.

ISP i ka kerkuar Kuvendit ndërhyrje në Ligjin për Statusin e Deputetit dhe ndryshimin ligjor për të krijuar ndërlidhje midis ligjit të dekriminalizimit dhe privilegjiit të imunitetit diplomatik, por ende Kuvendi nuk ka një përgjigje pozitive.

Në letrën drejtuar Kuvendit ISP ngre shqetësimin se të gjithë deputetët që kanë humbur mandatin për shkak të dekriminalizimit gjatë viteve 2015-2017 vijojnë të udhëtojnë deri më 2018-2020 me pasaporta diplomatike për veten dhe familjen.

“Gjatë monitorimit të parlamentit në legjislaturën e kaluar dhe atë aktuale, përmes database ëëë.deputetim.al ISP ka konstatuar problematikë interesante mbi parlamentin dhe deputetët. Një prej tyre lidhet me privilegjin e parlamentarëve – pajisjen me pasaportë diplomatike për veten dhe bashkëshorten/ bashkëshortin, privilegj që vijon të mbahet edhe nga deputetët që kanë humbur mandatin për shkak të ligjit të dekriminalizimit”, thuhet ndër të tjera në letrën drejtuar Kuvendit./tesheshi.com/|