Wladimir Klitschko tashmë mund të konsiderohet si një ish-kampion bote. Pas nëntë viteve qëndrimi në fron, ukrainasi është mundur nga Tyson Fury në ndeshjen e zhvilluar në Dusseldorf të Gjermanisë. Pas 12 rundeve dramatike, me vendim unanim të jurisë (115-112, 115-112, 116-111), britaniku u shpall fitues dhe kështu morri kurorën e më të mirit në botë në boksin profesionist.
Me këtë triumf, 27-vjeçari i fitoi titujt botërorë IBF, WBO e WBA. Klitschko, 39 vjeç, nga ana e tij, nuk kishte humbur në 11 vitet e fundit, që nga knockout-i i pësuar nga Lamont Brewster në vitin 2004, ndërkohqë që kjo disfatë mund ta dërgojë atë drejt pensionit, nëqoftëse nuk do ketë mundësinë e ndonjë revanshi të mundshëm.
Britaniku Fury, ishte i pamposhtur në 24 takimet profesioniste dhe e regjistroi fitoren e 25-të. Kjo ishte hera e parë që Fury luftoi për titull të kampionit të botës dhe ia doli të fitonte. Ai qante duke festuar, deri sa i këndoi edhe gruas së tij e cila ishte e pranishme për ta parë ndeshjen.
/tesheshi.com/
