Televizioni bullgar “TV 7” dha një reportazh për fshatin Mandrica. Mandrica është një fshat në Bullgari i banuar nga shqiptarë, ku të parët e tyre kanë emigruar nga Vithkuqi i Korçës aty nga viti 1636. Pavarësisht kohës së gjatë, disa shekuj, të shkëputjes nga vëndi i të parëve, ata janë përpjekur të ruajnë gjuhën dhe zakonet prej vëndit nga kana ardhur. Një rol të rëndësishëm për të ruajtur këto vlera po luan Shoqata për ringjalljen e Mandricës,
Që në fillim u theksua se në Mandricë flitet një gjuhë e vjetër shqipe. Fshati ka qënë i pasur dhe për këtë arsye banorët kanë ngritur shtëpi dykatëshe. U treguan disa shtëpi karakteristike. Sapo ishte ngritur hotel-restoranti “Bukur shtëpi” (kështu është shkruar) me përkthim bullgarisht) që do të hapet në fund të majit. Hotel-restoranti është projektuar shumë mirë-i përgjigjet plotëshit pamjes së shtëpive të ndërtuara përpara. Pra, një ndërtesë e bërë me shije! Në reportazh, u tha se, në Mandricë ka dy kisha!
Foli kryetari i bashkise Hristo Peev. A tha se “shumë mandricas që banojnë në vende të ndryshme të Bullgarisë kanë filluar të vizitojnë me shpeshhere Mandricën dhe meremetojnë shtepitë e tyre të ndërtuara nga gjysherit”. Kryetari u shpreh se “pret të zhvillohet turizmi njeditor ose dyditor në fshat falë aktivitetit të Shoqatës për ringjalljen e Mandrices”, kryesuar nga z. Ivajllo Petrov. Në traditën e tyre është rritja e krimbit të mëndafshit, kultivimi i duhanit, artizanati dhe tregtia.
