Partia në pushtet në Turqi (AK Parti) ka kritikuar nismën amerikane për ta shpallur lëvizjen “Vëllazëria Muslimane” si një organizatë terroriste.
Këto vërejtje i bëri zëdhënësi i partisë, Omer Çelik gjatë një bisede me gazetarë.
“Shpallja si ‘terroriste’ e VM-së nuk i kontribuon paqes në Lindjen e Mesme dhe minon shpresat për demokraci”, tha ai.
Vetë VM-ja ka reaguar “në qetësi” ndaj këtyre sanksioneve amerikane, duke thënë se vazhdon “rrugën e moderuar dhe paqësore përballë padrejtësive”.
Turqia u ka dhënë azil politik disa liderëve të lëvizjes pas rrëzimit të tyre nga pushteti përmes një grusht shteti ushtarak. /tesheshi.com/
