Provinca kanadeze e Quebec-ut prezantoi një projektligj që do të ndalojë punonjësit e sektorit publik të mbajnë simbole fetare gjatë orarit të punës, por për kritikët ky veprim i diskutueshëm është një kundërvëniendaj grave muslimane që veshin hixhab apo shami.
Ligji i propozuar ka çuar qeverinë e provincës në një përplasje me kryeministrin Justin Trudeau, i cili është i angazhuar për lirinë e fesë para zgjedhjeve federale të këtij viti, dhe Quebec-u është fushëbeteja më e rëndësishme.
“Është e pakonceptueshme që një shoqëri e lirë mund të legjitimojë diskriminimin ndaj qytetarëve bazuar në fenë e tyre”, tha ai.
Projektligji thotë se laiciteti “duhet të konfirmohet për të siguruar një ekuilibër mes ligjit të përbashkët dhe lirive e të drejtave te njeriut”.
Autoritetet e Quebec-ut kanë për vite të tëra që përpiqen r të ndalojnë punonjësit publikë të mbajnë simbole fetare. Dy vjet më parë, një ndalim u vendos në Quebec për të mbuluar plotësisht fytyrën e kujtdo që ofronte ose merrte shërbime publike, por u pezullua nga një gjykatës kanadez qershorin e kaluar.
Këshilli Kombëtar i muslimanëve kanadezë thotë se ligji do të bëjë që ata apo minoritet e tjera të ndihen “qytetarë të dorës së dytë”.
Sindikatat e mësuesve dhe mësimdhënësve deklaruan se nuk do të zbatojnë ligjin.
Kjo është hera e katërt kur qeveria e Quebec-ut përpiqet ta miratojnë këtë ligj. /tesheshi.com/
