Tre liderët e partive opozitareVisar Ymeri (VV), Ramush Haradinaj (AAK) dhe Fatmir Limaj (NISMA), pak orë para mbajtjes së manifestimit që do të mbahen në Prishtinë këtë të shtunë kanë dhënë mesazhin e tyre se manifestimi do të jetë festiv dhe paqësorë ku së bashku me qytetarët do të shprehin kundërshtimin e tyre për marrëveshjen për ‘Zajednicën’ dhe Demarkacionin me Malin e Zi.
Ata njëzëri përmes emisionit Rubikon të KTV-së kanë ftuar qytetarët që t’i bashkohen këtij manifestimi, derisa shprehën bindjen se do të dalin një numër i madh i qytetarëve.
Visar Ymeri:
Manifestimi i 28 nëntorit është i një karakteri të veçantë sepse si përmbajtje ka t’i kundërshtojë marrëveshjen për Zajednicën dhe Demarkacionin.
Në këtë manifestim kemi menduar që së bashku me qytetarët bashkarisht të vihemi në mbrojtje të Republikës pasi konsiderojmë se e cënojnë shtetin e Kosovës.
Në kundërshtimin tonë kundër këtyre marrëveshjeve, ne kemi përdorur metodat tona kundërshtuese.
Manifestimi i 28 Nëntorit është një prej tyre. Nuk presim që aty të ketë vetëm militantë të partive opozitare. Por qytetarë të shumtë të cilët janë të pakënaqur dhe nuk i pranojnë këto dy marrëveshjeve, që e fusin Serbinë brenda e i falin tokë Malit të Zi
Jami bindur se do të ketë një numër të madh të qytetarëve në shesh.
Ramush Haradinaj:
Manifestimi e jep edhe një dimension të ri të festës i fuqizon kundërshtitë për dy marrëveshjet.
Qytetarët munden me ardhë të shtunën në Prishtinë me festu dhe ndihmu në anulimin e këtyre marrëveshjeve. Është diçka e mirë që po bën opozita.
Është një manifestim qytetarë, civilizues, me porosi politike.Askush nuk do të hedh as gurë, e asgjë tjetër.
Jo vetëm që i thërrasim njerëzit që aty të vijnë me familje, por jemi të përcaktuar se ky do të jetë një manifestim me karakter paqësor me porosi politike.
Fatmir Limaj:
Ne kemi dashur që mjaftueshëm koalicionit qeverisës t’i ipet kohë të reflektojë. Ky manifestim ka ardhur në kuadër të programit. Manifestimi nuk është dashur të bëhet më herët.
Me qyetarët që vijnë në Prishtinë përveç festës do të çojmë edhe porosinë fizike se ne si qytetarë nuk pajtohemi me dy marrëveshjet.
Ne i kemi ftuar dhe i ftojmë familjarët në manifestim që ta japim një mesazh shumë të rëndësishëm për të ardhmën e vendit.
Përgatiti: Blendi Gashi /tesheshi.com/
