Trinjakët 3-vjeçarë, që humbën jetën pasditen e djeshme në Romanat (Durrës), pasi shtëpia e tyre u përfshi nga flakët, kanë humbur jetën si pasojë e djegies.
Ky është konkluzioni i ekspertëve të mjekësisë ligjore, sipas të cilëve trupat e vogëlushëve ishin shkrumbuar.
Sipas burimeve paraprake, mendohet se zjarri u shkaktua nga loja e trinjakëve shkrepëse. Mendohet se në lojë e sipër, trinjakët i kanë vendosur flakën perdeve, ndërsa më pas zjarri ka përfshirë të gjithë dhomën.
Sfungjeri i kolltukut ka sjellë përshpejtimin e flakëve. Burimet nga zjarrfikëset thanë se kanë gjetur një vatër të thellë zjarri kur shkuan në banesën e Gazmend Koçit.
Mësohet se trinjakët që humbën jetën kanë lindur në Itali.
Trinjakët ishin vetëm në shtëpi, pasi babai i tyre ishte në punë, ndërsa nëna kishte shkuar të merrte dy vajzat më të rritura nga shkolla. /tesheshi.com/
