Natën e tretë pas aksidentit katastrofik në Genova, ekipet e shpëtimit vazhduan kërkimin në rrënojat e urës së rrëzuar.
Italia është ende në shok pas fatkeqësisë, dhe në të njëjtën kohë thellimin e konfliktit mes qeverisë italiane dhe koncesionarit “Autostrade per l’Italia”, zyrtarët e së cilës akuzohen për punë të pakujdesshme në mirëmbajtjen e urës.
Sipas të dhënave zyrtare, numri i viktimave ka shkuar në 38 të enjten, me 15 lëndime, pesë prej të cilave janë në gjendje të rëndë.
Shanset për gjetjen e të mbijetuarve reduktohen nga ora në orë, por shpëtimtarët nuk dorëzohen.
“Ne jemi duke u përpjekur për të prerë blloqe të mëdha të betonit që janë shkatërruar nga shembja”, tha një komandant i zjarrfikësve.
Prokurori Francesco Cozzi u tha gazetarëve se “mund të ketë më shumë se dhjetë ose njëzet persona të zhdukur”.
“Natyrisht, nuk do të ndalemi, po punojmë gjithë natën”, tha zëdhënësja e zjarrfikësve Marcella Battaglia.
Në Itali do të jetë një ditë zie kombëtare të shtunën, me një funeral solemn që do të mbahet në 11:30 në Fiera de Genova, në prani të zyrtarëve më të lartë italianë.
Në rafshin politik, qeveria populiste italiane fajëson BE-në dhe politikën e saj =të kursimit, e cila, siç pretendon Roma, pengon investimet. Por Brukseli reagoi ndaj këtyre akuzave, duke kujtuar se i kërkoi Italisë të investonte në infrastrukturën e saj dhe se shtetet anëtare “vendosin në mënyrë të pavarur” mbi prioritetet e tyre.
Ministria e Infrastrukturës njoftoi ndërkohë themelimin e një komisioni përgjegjës për hartimin e një raporti mbi tragjedinë brenda 30 ditëve. /tesheshi.com/
