Torta më e madhe në botë, e cila deri disa ditë më parë ishte konkurrente për në Librin e Rekordeve Guiness ka formën e një shteti. Bëhet fjalë për formën e çizmes, që shpesh na ndodh të identifikojmë Italinë, bashkë me ishujt dhe është e gjatë plotë 16.46 metra.
Gjykatësi Lorenzo Veltri e cilësoi zyrtarisht si ëmbëlsirën më të madhe të hyrë në Librin e Rekordeve Guiness. Kjo tortë është e prerë në feta, 12 mijë pjesë dhe është shpërndarë për vizitorët në Hobby Show, ku kanë punuar 300 persona, pastiçierë e dizenjues keku nga e gjithë Italia, të cilët ushtruan profesionin e tyre për 4 ditë, nën koordinimin e Shoqërisë Ndërkombëtare të Dizenjuesve të Ëmbëlsirave.
Torta e madhe me gjerësi 13.94 metra dhe gjatësi 16.46 metra arrin në pikën e saj më të lartë në 54 centimetra si dhe ka një sipërfaqe tërësore 244 metër katrorë. Është tërësisht e realizuar nga pandispanjë të mbuluar nga ngjyrosës dhe e dekoruar me monumentet kryesore italiane të realizuara me fondente dhe sheqer./tesheshi.com/
