Një shpërthim në rajonin perëndimor rural të Ganës të enjten rrafshoi qindra ndërtesa dhe vrau të paktën 17 persona kur një kamion që transportonte eksploziv në një minierë ari u përplas me një motoçikletë.
Udhëheqësit lokalë kanë konfirmuar vdekjen e të paktën 17 personave, ndërsa 59 të tjerë u plagosën, mëson AFP.
On Thursday, a vehicle carrying mining explosives collided with a motorcycle and triggered a “huge explosion” that devastated a village near Bogoso, Ghana, according to the Ghana Police Service. Injuries and fatalities have been reported. pic.twitter.com/0fjio4uzxy
— CBS News (@CBSNews) January 20, 2022
Videot, autenticiteti i të cilave nuk është verifikuar dhe publikuar nga mediat lokale tregojnë një vend të madh shpërthimi, ku ndërtesat u shndërruan në grumbuj druri, tullash dhe metali të shtrembëruar.
Një video tregon dy trupa në tokë, të mbuluar me pluhur. Një foto e shpërndarë nga një anëtar i këshillit lokal tregon një krater të thellë në epiqendrën e shpërthimit.
Seji Saji Amedonu, zëvendësdrejtor i përgjithshëm i Organizatës Kombëtare të Menaxhimit të Fatkeqësive, tha se 500 ndërtesa ishin shkatërruar. Një oficer rajonal i urgjencës tha për mediat lokale se kishte parë 10 trupa të vdekur.
https://twitter.com/i/status/1484217719448903681
Banorët u këshilluan të largoheshin nga zona për sigurinë e tyre dhe të shkonin në qytetet e afërta, sipas një deklarate të policisë.
Qyteteve aty pranë u është kërkuar të hapin hapësira publike, duke përfshirë klasa dhe kisha për të strehuar të mbijetuarit, tha policia.
Shpërthimi ndodhi në Apiate midis qyteteve Bogos dhe Bawdie, kur një motoçikletë u përplas nën një kamion që transportonte eksploziv në pronësi të Maxam në minierën e arit Chirano, operuar nga Kinross i Torontos.
Një zëdhënës i Kinross konfirmoi incidentin, duke thënë se ndodhi 140 kilometra nga miniera.
Gas explosion at Bogoso as vehicle conveying chemicals collides with a motorbike. Reports indicate that many are feared dead and a large part of the town has been wiped out by the explosion. #MetroNews pic.twitter.com/QvICtJoxoF
— Metro TV Ghana (@metrotvgh) January 20, 2022
Presidenti i Ganës Nana Akufo-Addo njoftoi në Twitter se ishte informuar për incidentin dhe konfirmoi se kishte të vdekur.
“Është vërtetë një incident tragjik dhe në emër të qeverisë shpreh ngushëllimet e mia më të thella për familjet e viktimave”, tha ai. /tesheshi.com/
