Në Emiratet e Bashkuara Arabe, është shfaqur së fundi dëshira dhe synimi për të ndërtuar një bjeshkë artificiale, e cila siç shpresojnë ideatorët, do të kontribuonte në shtimin e reshjeve të shiut.
Qeveria e këtij vendi tashmë kanë angazhuar ekspertë dhe shkencëtarë, të cilët do të vlerësojnë nëse ky projekt është i realizueshëm.
Siç është menduar, bjeshka e re do të mund të shkaktonte ngritjen e erës, dhe më pas formimin e reve me reshje eventuale.
Shkencëtarët e angazhuar për këtë projekt, për momentin janë duke analizuar zonat më të përshtatshme , në mënyrë që të caktojnë se sa do të duhej të jetë kjo bjeshkë e gjërë dhe e lartë. Ndërsa ekspertët kanë thënë se nuk do të realizojnë këtë projekt, në rast se do të ishte i kushtueshëm për qeverinë. /tesheshi.com/
