Kushtet e parashtruara nga Arabia Saudite për të rivendosur marrëdhëniet diplomatike dhe ekonomike me Katarin nuk janë realiste, edhe pse disa element mund të formojnë bazën për një marrëveshje të mundshme. Kështu ka thënë një këshilltar i afërt i sekretarit amerikan të Shtetit, Rex Tillerson.
Në turin e parë të takimeve në diplomacinë e dhënies së zgjidhjeve që nga emërimi, Tillerson po planifikon të kalojë pjesën më të madhe të kësaj jave në vendet e Gjirit në një mision për të ndërmjetësuar konfliktin njëmujor midis Katarit dhe katër vendeve fqinje: Arabisë Saudite, Bahreinit, Egjiptit dhe Emirateve të Bashkuara Arabe.
Tillerson udhëtoi të hënën në rajon për të takuar figura të larta në Kuvajt, fuqinë rajonale ndërmjetësuese që deri më tani nuk ka mundur të reduktojë përshkallëzimin e konfliktit.
Këshilltari i komunikacionit, RC Hammond, tha se tërësia e kërkesave saudite ishte e paarritshme, edhe pse disa elementë janë me vlerë të diskutohen. Por, ai shtoi se komuniteti ndërkombëtar po e humbet durimin me financimin e grupeve ekstremiste nga Gjiri. Hammond tha se në samitin e G20, vendet europiane kishin shprehur shqetësimin për krizën e Gjirit e sesi ajo po ndikon në përpjekjet e tyre për sigurinë. /tesheshi.com/
