Kryeministri i Republikës së Kosovës, Isa Mustafa, përmes një telegrami dërguar homologut turk, Ahmet Davutoglu, i ka shprehur ngushëllimet më të sinqerta si dhe ka dënuar sulmin terrorist që ndodhi sot në territorin e Turqisë, afër kufirit me Sirinë, në të cilin humbën jetën dhjetëra njerëz dhe u plagosën qindra të tjerë.
Zëvendëskryeministri dhe ministri i Punëve të Jashtme i Republikës së Kosovës, Hashim Thaçi, dënon ashpër sulmin e sotëm terrorist në qytezën Suruç të prefekturës Shanllëurfa, Turqi, në afërsi të kufirit me Sirinë, në të cilin humbën jetën 28 persona dhe u plagosën rreth 100 të tjerë.
Edhe Zëvendëskryeministri Thaçi, njëherësh ministër i Punëve të Jashtme shprehu ngushëllimet e tij më të sinqerta homologut të tij, popullit turk dhe familjeve të viktimave. “Populli dhe institucionet e Republikës së Kosovës mbeten përkrah popullit turk në këto çaste të rënda për qytetarët dhe institucionet e Republikës së Turqisë”, është shprehur zëvendëskryeministri Thaçi
