Kryeministri i vendit, Edi Rama ka zhvilluar një bisedë telefonike me homologun e tij grek, Alexis Tsipras. Sipas mediave greke, ata kanë folur për konsolidimin e mëtejshëm të marrëdhënieve mes dy shteteve fqinje.
Po ashtu, raportohet se ata diskutuan edhe mbi retorikat nacionaliste të palës shqiptare, që minojnë klimën e besimit, në përmirësimin e marrëdhënieve dypalëshe.
Ndërkohë, kryeministri Tsipras theksoi se mbrojtja e të drejtave të minoritetit grek përbën çështjen thelbësore të marrëdhënieve dypalëshe, por është edhe kushti kryesor për ecurinë europiane të Shqipërisë.
Pak ditë më parë, Rama deklaroi në Samitin e Diasporës se nuk e ka ndërmend të heshtë më, përballë provokimeve të fqinjëve. Ai tha se marrëdheniet mes dy vendeve duhet të kalojnë në një nivel tjetër dhe për këtë ai njoftoi se po ngrihet një grup i posaçëm pune.
Po ashtu, gjatë mbrëmjes së sotme (e martë) pritet që Rama të japë një intervistë përballë 4 gazetarëve grekë në emisionin “Histori” në televizionin “Skai”. /tesheshi.com
