Kryeministri Rama e cilëson si një “lajm të mirë” faktin e ardhjes në Arkivat Shqiptare të 1 milion dokumentave për Shqipërinë nga Arkivat Osmane të Stambollit.
Ai përcjell një video të këtij zhvillimi dhe shkruan se aty është e gjithë Shqipëria nën Perandori, me të vërteta ende të paditura e që do të zbardhen viteve në vijim.
“…Dhe me lajmin e bukur të ardhjes përgjithmonë në vendin tonë, të të gjitha dokumenteve mbi Shqipërinë dhe shqiptarët nga arkivat perandorake të Stambollit, ju uroj një ditë të mbarë”, shkruan i pari i qeverisjes. /tesheshi.com/
