Lloji i gjumit që në e quajmë me të “tremburit” apo një kotje e vogël disa minutëshe është një proces shumë i rëndësishëm edhe pse në e kemi vlerësuar si diçka pasive apo humbje kohe. Por gjatë gjumit, sidomos gjatë një gjumi të lehtë, jo atij të gjatë e të ngarkuar me ëndrra, truri përpunon informacionet që kemi marrë gjatë ditës ndaj dhe të koturit pak është i rëndësishëm për të vazhduar procesin e studimit.
Dr. James Cousins nga Duke-NUS Medical School në Singapor hartoi një studim për të sqaruar se si kotja ndihmon në suksesin në mësime. Ai përzgjodhi 72 studentë vullnetarë për të testuar se cili aktivitet ishte më i përshtatshëm për t’u kryer para një provimi.
Në fillim u dha studentëve disa materiale për të mësuar dhe më pas një pushim prej 80 minutash për ta shfrytëzuar si të donin: të përsërisnin materialet, të luanin, të shikonin një film apo të flinin pak. Ai grup me stuentët të cilët zgjodhën të flinin patën më sukses nga të tjerët. E përsëriti këtë eksperiment dy herë dhe rezultatet dolën të njëjta./tesheshi.com/
