Sipas disa studiuesve nga Harvardi, në një studim të publikuar në vitin 2015 në revistën Journal of Personality and Social Psychology, të kesh kaluar të njëjtat sprova dhe peripeci të bën më pak të kuptueshëm ose empatik ndaj një personi që po kalon të njëjtën gjë.
Studiuesit zhvilluan një eksperiment duke u dhënë një grupi vullnetarësh disa histori me personazhe të ndryshëm që kanë kaluar situate të ndryshme. Më pas kur u intervistuan u treguan më pak empatik nëse kishin kaluar të njëjtën situatë.
Eksperimenti në fjalë tregoi se ekzistojnë dy arsye për këtë:
E para është se njerëzit shpeshherë e harrojnë shumë shpejt atë që kanë kaluar dhe e harrojnë se sa e dhimbshme ka qenë një eksperiencë e keqe.
Arsyeja e dytë është se çdokush që e kalon një situatë të caktuar është i vetëdijshëm se ajo situatë do të kalojë dhe se të tjerët mund ta kalojnë.
Ky studim si pa dashje na sugjeron se nuk duhet të kërkojmë ndihmë nga ata që e kanë kaluar të njëjtin problem. Megjithatë, eksperienca ka treguar se ata që kanë kaluar të njëjtat peripeci janë njerëzit me gjasat më të mëdha për të kuptuar më mirë atë që po kalojmë./tesheshi.com/
