TAP ridoli në skenë, jo debat politik por si rëndësi strategjike. Gazjellësi i gazit azer për në Europë, tërësisht i pavarur nga Rusia, po rezulton si zgjidhje në këtë kohë krizë edhe gazi, për shkak të agresionit rus në Ukrainë.
Ish-kryeministri Berisha e risolli në vëmendje të publikut se qe ai firmosësi, thënë me doza të forta vetëherozimi, edhe për arsye të qarta politike. Po, ai ishte firmosësi që ky gazjellës të kalonte, një pjesë, edhe në Shqipëri.
Por kush është ndërtuesi i saj në territorin shqiptar? Thënë politikisht, është njeriu i Ramës, ndonëse kurrë s’ka pranuar të jetë politikisht i tillë.
Larg angazhimeve politike, pa pikë militantizmi politik në karakter, besnik i saj që i
besohet si detyrë, ai thjesht ka qenë preferenca apo i besuari i Ramës për të vetmen arsye: aftësinë teknokratike dhe besueshmërinë morale. Quhet Dritan Agolli, kreu i Fondit Shqiptar të Zhvillimit, ish-Admistratori i Përgjithshëm i Bashkisë së Tiranës në epokën Rama, si dhe me detyra të tjera në bashkinë e asaj kohe.
Për të gjithë ato media që e kanë sulmuar paskrupullsisht kohët e fundit për një tender, atë të një “menuje shqiptare” në kuadër të projektit “100 Fshatrat”, duhet ta mësojnë se kanë sulmuar një prej njerëzve me të aftë në shtetin e sotëm shqiptar. Jo më pak dhe ndër më dinjitozët që mund te hasen në zyrat e shtetit, te ata me shumë përgjegjësi.
Dritan Agolli, është ndër ato raste ku media duhet të aktivizojë devizën morale-profesionale: Jetojmë në kohën kur jo gjithçka që duket është ashtu siç duket!
Pra, Dritan Agolli është njeriu që ka ndërtuar TAP-in në territorin shqiptar, në emër të një kompanie të njohur si “Gener 2”, me të cilën ka patur një partneritet për disa vite. Dhe ka qenë pikërisht ai që konkuron për tenderin e TAP-it, pjesa shqiptare, në asgjë shqiptare si proces. Tender i fituar në Zvicër, në 2015, me standart të lartë konkurueshmërie, në një garë të fortë ndërkombëtare. E fiton në emër të Gener 2. Dhe vetëm ai mund ta fitonte, falë aftësive që ka.
Nëse ndër ata shkrues të emrit të tij para do javësh, duke i bashkangjitur etiketën abuzuese “skandal”, do e njihnin nga afër, qoftë dhe për aftësitë e tij e jo edhe për karakterin e tij, më e pakta por më e rëndësishmja, do merrnin një leksion gazetarie se si nuk duhet bërë gazetari. /tesheshi.com/
