Kreu i Partisë Demokratike Lulzim basha tha sot pas mbledhjes së grupit parlamentar se një votim kundër kërkesës së prokurorisë në Kuvend do të ishte shkelje e hapur e Kushtetutës.
“Prokuroria paraqiti një kërkesë të vetme pas 4 vite hetimesh të Antimafias italiane. Edi Rama e rrëzoi këtë kërkesë. Gjithçka tjetër është popagandë dhe mashtrim për ti hedhur hi syve shqiptarëve. Rama shkeli kushtetutën dhe ligjin për të mbrojtur Saimir Tahirin. Parlamenti nuk ka të drejtë të refuzojë një kërkesë të organeve të drejtësisë bërë konform rregullave dhe parlamenti nuk mund të bëjë gjykatën” u shpreh Basha sot.
Sipas tij “Rama mbron Tahirin se është peng i lidhjeve kriminale dhe trafiqeve të drogës. Edi Rama ka marrë fund si kryeministër”. Vendimin e rëndësishëm do t’a marrë parlamenti të mërkurën.
Grupi parlamentar i Lëvizjes Socialiste për Integrim deklaroi votën pro arrestimit të deputetit Saimir Tahiri në seancën parlamentarë të së mërkurës dhe Luan Rama i bëri thirrje prokurorisë të mos intimidohet nga sulmet e maxhorancës dhe të kryeministrit.
Vota e PD-së po ashtu do të jetë pro arrestimit. Por socialistët, më të shumtë në numër, kanë vendosur të mos e pranojnë kërkesën e prokurorisë për heqjen e imunutetit kolegut të tyre Saimir Tahiri./tesheshi.com/
