Qeveria e Kosovës dënoi sulmin me vezë ndaj kryeministrit Mustafa në Kuvend, duke e cilësuar akt të dhunshëm të deputetëve të opozitës.
“Qeveria e Kosovës vlerëson se të gjithë kanë për detyrim të përmbahen nga aktet e dhunës dhe të shmangin veprimet që tejkalojnë format demokratike të opozitarizmit të cilat dëmtojnë interesat e vendit”, thuhet në deklaratën e qeverisë. Më tej, në deklaratë sigurohen qytetarët se “se marrëveshjet e arritura në Bruksel, janë në përputhje të plotë me ligjet dhe Kushtetutën dhe vlerëson se ato do t’i hapin rrugë integrimeve euroatlantike të vendit, e janë mbështetur fuqishëm nga partnerët strategjik të Kosovës, SHBA-të dhe BE-ja”.
Ede zyra e presidents Jahjaga përmes një deklarate thekson se sulmi ndaj kryeministrit është i papranueshëm.
“Akte të tilla të shëmtuara e vështirësojnë diskutimin e mirëfilltë publik dhe zbehin besimin e qytetarëve në institucionet e vendit”, thuhet në reagimin e presidentes, e cila fton deputetët dhe partitë të respektojnë institucionet. /tesheshi.com/
