Kundër idesë së Thaçit për korrigjim të kufirit me Serbinë, ka dalë edhe Grupi për Studime Juridike dhe Politike (GSJP) që përmes një studimi ka vënë në pah pasojat që kjo ide mund të shkaktojë në legjitimitetin ndërkombëtar të shtetësisë së Kosovës.
Hulumtuesi i këtij grupi, Përparim Kryeziu, tha se raporti konstaton se korrigjimi i territorit konteston në thelb shtetësinë e Kosovës, kjo sepse rishikimi i kufijve në vija etnike, ashtu edhe siç edhe po flitet është në kundërshtim me tiparet ‘sui generis’ të Kosovës, të cilat deri më sot ia kanë siguruar shpalljen e pavarësisë dhe shtetësinë dhe përkrahjen ndërkombëtare të shtetësisë.
“Shkëputja nga këto tipare e shndërron Kosovën peng të Serbisë në arenën ndërkombëtare, duke i dhënë shtetit serb fjalën e fundit për legjitimitetin ndërkombëtar të Kosovës“, tha ai gjatë prezantimit përfundimet nga studimi mbi temën “Kush po e përcakton agjendën e bisedimeve”.
Sipas tij, diskutimi për këtë çështje mund të na qoj drejt një kompromisi të dhimbshëm. Ai shtoi se Kosova nuk guxon në asnjë rrethanë të pranojë çfarëdo formë tjetër të njohjes nga Serbia përveç njohjes formale faktike dhe vetëm kjo i lejon anëtarësimin në organizatat kryesore ndërkombëtare.
Kryeziu shtoi se Kosova e Serbia është duke u futur në një fazë finale dialogut dhe çfarëdo lloj refuzimi i Kosovës ndaj një marrëveshje mund të cilësohet si sjellje destruktive dhe Kosova të cilësohet në dialog si problem.
Ai shpjegoi se studimi i tyre është bazuar në të dokumentet për të drejtën ndërkombëtare. /tesheshi.com/
