Në një raportim në Komisionin e Ligjeve, kreu i SPAK-ut Altin Dumani tha se krimi në Shqipëri është sofistikuar tashmë, duke patur si fole dhe Dubain e luksit.
Sipas tij, grupet kriminale që drejtohen nga shqiptarët po konsiderohen madje nga ndërkombëtarët si banda një ndikim të madh, të cilat kanë krijuar lidhje të ngushta dhe me vendet e origjinës së kokainës, konkretisht në Amerikën Latine.
“Kemi vënë re një rritje e sofistikimit të kryerjes së veprave penale. Grupet kriminale të drejtuara nga shqiptarët po konsiderohen nga ndërkombëtarët me një ndikim të madh në tregjet ndërkombëtare, kryesisht kanabis dhe kokainë, janë aktive në rajon, por edhe BE-ja, Turqi SHBA. Këto kanë qasje të drejtpërdrejtë në vendet e origjinës së kokainës duke krijuar një lidhje të fortë me organizatat kriminale në Amerikën Latine.
Problematik fakti që në Emiratet e Bashkuara Arabe, në Dubai qëndrojnë një numër të madh të kërkuarish për vepra penale krim i organizuar që nuk po jepet një miratim për ekstradimin e tyre”, tha Dumani. /tesheshi.com/
