Suadra e Sigal Prishtinës ka shkruar historinë në sportin e Kosovës. Kryeqytetasit u shpallën kampion të Ligës Ballkanike, pas fitores në Samokov. Prishtina triumfoi me shifrat 81:70, falë lojës së mençur në pjesën e dytë. Hulls ishte heroi i Prishtinës.
Basketbollistët e Prishtinës u ndihmuan edhe nga tifozeria e tyre Plisat
Plisat e ndoqën edhe në Bullgari, edhe në Sheshin “Zahir Pajaziti”.
Kyetari i Sigal Prishtinës, Blerand Stavileci, ka thënë se për këtë triumf është bërë shumë mund për të ardhur deri këtu. Ai tha se Prishtina është në basketboll si Shqipëria në futboll.
“Një ekip për të cilën kemi punuar shumë, ka pasur shumë probleme, fati na ka kthyer shpinën, kemi krijuar një familje, atmosferë dhe harmoni. Familja e madhe Prishtina, sot e kemi bërë historinë në suksesin ekipor, ky sukses nuk është i Prishtinës, por i gjithë Kosovës”, tha Stavileci për Super Sport Kosova.
Uron edhe kryetari i Komunës së Prishtinës
Kryetari i Komunës së Prishtinës, Shpend Ahmeti, u ndje krenar me triumfin e Sigal Prishtinës, të ciline përcolli nga sheshi Zahir Pajaziti.
“Siç po ndihen këta 10 mijë qytetarë, vitin e kaluar në final four, sivjet e fituam. Tash Prishtian çdo vit do të korr fitore të tjera. Është ndjenjë tepër e mirë, e organizuam me DigitAlbit, dhe po shihet efekti”, tha Ahmeti për Super Sport Kosova.
“Ishte ideja të shkojë në Bullgari apo të rri këtu. Shumica ishin këtu dhe vendosa të jem këtu”, shtoi ai. /tesheshi.com/
