Kjo ka qenë një teknikë e përdorur shumë kohë më para nga gjyshet tona të dashura. Përveç faktit që është një recetë e vjetër duam t’jua vëmë në vemendje lexuesve tanë me qëllim që ta përdoni dhe të shihni rezultatet .
Është një ngjyrë karakteristike e cila përzihet me kanellë.Një gjë për tu theksuar është se me kanellën nuk duhet të lyeni rrënjët e flokëve por vetëm majat. Ja se si mund ta përgatisni atë:
Përbërësit:
Pluhur kanelle (3 lugë).
Mjaltë (2 lugë).
Balsam flokësh (1 enë).
Përgatitja:
Në enën me madhësi mesatare vendosni 200 mililitra të balsamit tuaj të preferuar (nëse keni flokë shumë të gjata, mund të vendosni edhe më shumë), tri lugë kanellë të bluar paraprakisht dhe 100 mililitra mjaltë natyral të bletëve.
Përzieni mirë përbërësit me lugë plastike. Mos përdorni lugë metalike, pasi disa metale mund të reagojnë negativisht me përbërësit e përzierjes. Mbuloni enën dhe lëreni 30 minuta në temperaturën e dhomës.
Më pas do aplikoni ngjyrën e përftuar në mënyrë natyrale në secilën prej tufave të flokëve. Pasi të keni përfunduar me lyerjen do i mbështillni flokët me një qese dhe më pas me peshqir dhe lëreni që ngjyra të bëjë punën e saj për rreth 30 minuta.
Pas kësaj hiqeni peshqirin dhe lëreni përzierjen në kokë edhe 3 deri 4 orë në temperaturën e dhomës. Sa më gjatë ta mbani përzierjen në kokë, aq më të mira do të jenë rezultatet. Më pas shpëlaheni përzierjen nga koka duke përdorur ujë të ngrohtë me presion të lartë.
Nëse u përmbaheni të gjitha udhëzimeve, flokët tuaj do të jenë më të çelëta me dy nuanca. Nëse dëshironi të shtoni shndritje shtesë, përsëriteni tërë procedurën pas 48 orësh./tesheshi.com/
