Prokurori i Gjykatës Ndërkombëtare Penale, Karim Khan, ka dhënë dorëheqjen përkohësisht, ndërsa një hetim i Kombeve të Bashkuara për sjellje të dyshuara seksuale kundër tij po i afrohet fundit, tha zyra e tij të premten, më 16 maj 2025.
Ky veprim është i pashembullt dhe nuk ka një procedurë të qartë për zëvendësimin e Khan-it.
Situata krijon pasiguri shtesë për GJND-në, e cila tashmë po përballet me një krizë ekzistenciale për shkak të sanksioneve të SHBA-së mbi urdhër-arrestet për zyrtarët izraelitë.
Zyra e Khan tha se prokurori kishte marrë leje në pritje të përfundimit të një hetimi nga Zyra e Shërbimeve të Mbikëqyrjes së Brendshme e OKB-së.
Shtohet se ndërkohë dy zëvendësprokurorë të Gjykatës Ndërkombëtare Penale do të marrin përsipër detyrat e tij.
Avokatët e Khan nuk iu përgjigjën menjëherë një kërkese me shkrim për koment.
Prokurori mohoi akuzat për sjellje të pahijshme që iu raportuan organit administrativ të gjykatës në tetor të vitit të kaluar.
Kur dolën akuzat kundër Khan, disa OJQ dhe anëtarë të stafit të Gjykatës Ndërkombëtare Penale i bënë thirrje prokurorit të jepte dorëheqjen përkohësisht ndërsa hetimi ishte në vazhdim, por fillimisht ai mbeti në pozicionin e tij.
Burimet, të cilat folën në kushte anonimiteti për të diskutuar çështjen delikate, i thanë Reuters se Khan foli me hetuesit e OKB-së javën e kaluar në atë që konsiderohet intervista e fundit e një hetimi të jashtëm disamujor mbi akuzat që filloi në dhjetor.
Nuk ishte e qartë se kur do të përfundonte hetimi.
Me kërkesë të Khan, Gjykata Ndërkombëtare Penale lëshoi urdhër-arreste për Presidentin Vladimir Putin me dyshimin për deportimin e fëmijëve nga Ukraina dhe për Kryeministrin Izraelit Benjamin Netanyahu për krime të dyshuara lufte në Gaza. Asnjëri vend nuk është anëtar i gjykatës dhe të dy i mohojnë akuzat dhe refuzojnë juridiksionin e GJPN-së.
Hetimi i Gjykatës Ndërkombëtare Penale (GJNP) mbi sjelljen e Izraelit e shtyu administratën amerikane të Presidentit Donald Trump të vendoste sanksione ndaj Khan, të cilat presidenti i GJNP-së thotë se kanë rrezikuar vetë gjykatën.
Ndaj dhe hetimi ndaj tij bie të rëndë konspiracion. /tesheshi.com/
