Marina Britanike po përgatitet të lëshojë në përdorim qindra dronë nënujorë të mundësuar nga inteligjenca artificiale që do të zbulojnë nëndetëset ruse dhe do të mbrojnë infrastrukturën kyçe detare, raportoi një gazetë britanike.
Gazeta Express raporton se një ushtri dronësh nënujorë të pajisur me teknologji të përparuar të inteligjencës artificiale mund të gjuajë nëndetëset ruse pranë Mbretërisë së Bashkuar.
Mini-gjuetarët autonomë të nëndetëseve, të cilët mund të qëndrojnë nën ujë për muaj të tërë, do të përdorin inteligjencën artificiale për të dëgjuar, zbuluar dhe identifikuar anijet ruse.
Planerët – ose dronët – janë pjesë e një sistemi të ri të quajtur Lura, i cili, në thelb, do të “ndriçojë” oqeanet dhe do të thjeshtojë gjuetinë e nëndetëseve.
Thuhet se Lura mund të bëjë dallimin midis dy anijeve të së njëjtës klasë për shkak të ndryshimeve të dallueshme në nënshkrimin akustik të secilës anije.
Sistemi, i zhvilluar nga firma evropiane e mbrojtjes Helsing, përdor atë që përshkruhet si një “konstelacion” sensorësh nënujorë për të kërkuar të dhëna akustike në vend të njerëzve për të përshpejtuar kohën e reagimit.
Gundbert Scherf, bashkëthemelues i Helsing, i tha gazetës se “Lura zbulon në mënyrë që marinat tona të mund të pengojnë. Ne duhet të shfrytëzojmë teknologjitë e reja për të ndjekur kërcënimet ndaj infrastrukturës sonë kritike, ujërave kombëtare dhe mënyrës së jetesës”.
“Zbatimi i inteligjencës artificiale në segmentin nënujor do të ndriçojë oqeanet dhe do të dekurajojë kundërshtarët tanë”, tha ai.
Sistemi Lura është projektuar për përdorim në planerët nënujorë të njohur si SG-1 Fathom, të cilët fillimisht u zhvilluan për të monitoruar balenat dhe kushtet nënujore. /tesheshi.com/
