Rajoni i Khersonit i Ukrainës i çliruar së fundmi është shtëpia e liqenit rozë përrallor Lemuria.
Lemuria është pjesë e Gjirit të Sivashit dhe njihet si “Deti i Vdekur ukrainas”. Ky liqen i bukur ndodhet midis Ukrainës dhe gadishullit të Krimesë, dhe është pjesë e sistemit më të madh të lagunave të cekëta të Detit Azov.
Ajo që e bën atë një nga më të veçantat në këtë pjesë të botës është ngjyra e saj. Liqeni merr ngjyrën e tij ndonjëherë rozë dhe të kuqërremtë nga algat Dunaliella, e cila ka një rezistencë të lartë ndaj kripësisë. E njëjta algë është shkaktare për ngjyrën e një liqeni të ngjashëm në Australi.
Ka disa histori për mënyrën se si liqeni u krijua. Sipas njërës prej teorive, më 26 gusht 1969, një bombardues sovjetik u rrëzua në brigjet e Sivaš. Thuhet se ekipet e shpëtimit depërtuan nëpër akuiferët e kripur ndërsa gërmuan në një thellësi prej 18 metrash për të mbledhur mbetjet e bombarduesit. Liqeni u formua më vonë kur ujërat nëntokësore mbushën gërmimet.
Banorët e fshatrave përreth e quanin liqenin Yama dhe shpesh shkonin atje për të notuar për argëtim. Pas ca kohësh, filluan të përhapen histori për vetitë medicinale të ujit të kripur të liqenit. Kjo mundësoi fillimin e zhvillimit të turizmit të gjelbër në këtë rajon dhe së shpejti balta nga liqeni rozë filloi të përdoret për qëllime kozmetike dhe terapeutike.
Emri Lemuria u dha nga besimi për “kontinentin e humbur të Lemuria”. Ky liqen nuk është i vetmi liqen rozë në Ukrainë. Janë të paktën edhe pesë të tjera. /tesheshi.com/
