![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Ka ndërruar jetë Claude Picasso, djali i piktorit spanjoll Pablo Picasso, ka bërë të ditur avokati i tij Jean-Jacques Nuer. “Ai vdiq në Zvicër, në moshën 76-vjeçare”, tha ai në një deklaratë për AFP, pa specifikuar shkakun e vdekjes.
Claude Ruit Picasso ishte nga viti 1989 deri në 2023 administratori i pasurisë së Picasso-s dhe përgjegjës për çështjet që lidhen me të drejtat e autorit të veprave të artistit ikonë. Korrikun e kaluar ai kishte shprehur dëshirën për të dalë në pension, duke ia lënë detyrën motrës së tij, Paloma.
Pablo Picasso kishte katër fëmijë, tre jashtë martese. Djali i tij i madh Paulo, i lindur nga gruaja e tij e parë Olga Khokhlova, vdiq në vitin 1975. Maya, vajza e Marie-Thérèse Walter, u nda nga jeta në vitin 2022. Claude dhe Paloma ishin frytet e marrëdhënies me piktoren franceze Françoise Gilot.
Claude Picasso ishte i martuar me Sylvie Vautier, me të cilën pati dy fëmijë, Jasmine dhe Solal. /tesheshi.com/
