Sheikët nga Emiratet e Bashkuara Arabe tundojnë shqiptarin Gianni De Biasin me një ofertë të madhe për të drejtuar bashkë me stafin e tij një klub vendas.
Një menaxher shqiptar i futbollit, i tha tesheshi.com se ka disa ditë që lajmi ka mbërritur në mjediset e Federatës Shqiptare të Futbollit duke rritur sekëlldinë në kulmin e një sezoni ku Shqipëria ka mundësitë për të shkuar për të parën herë në një kompeticion botëror.
Ndërkaq edhe De Biasi e ka konfirmuar ofertën për sitin e njohur sportiv tutomercatoweb.com.
“Një klub i huaj më ka kërkuar me insistim dhe vazhdon ta bëjë. Por unë kam dëshirë të shkojmë me Shqipërinë në Europianin e Francës. Vetëm kaq mund të them tani”, ka deklaruar De Biasi, i cili gjatë kohës si trajner i Shqipërisë ka evoluar shpesh shpirtin kuqezi dhe i ka rënë tam tam-tameve patriotike sa “mallëngjyen” Presidentin e Republikës që t’i japë shtetësinë shqiptare. Pasaporta shqiptare në fakt i ka dhënë De Biasit, edhe benefice fiskale, pasi në Itali të “kripin kokën” tatimorët…/tesheshi.com/
