Nis votimi në të gjithë vendin por dy probleme të rënda janë cerifikuar në Patos dhe Tepelenë ku me hapjen e materialeve zgjedhore është vërejtur se fletët e votimit ishin të shkruajtura gabim, mbanin dy emrat e kandidatëve por me siglën e së majtës.
Fletët e votimit janë shtypur jashtë vendin dhe përgjegjësinë për këtë e ka administrat e KQZ-së dhe anëtarët e saj. Bëhet fjalë për bashkitë e Roskovecit dhe Tepelenës.
Ndërlkaq, në Shkodër është shpërndarë e gjithë baza materiale. Vetëm 3 qendra nuk janë hapur, që i përkasin ish-komunës Rrethina.
Në Kurbin, në orën 04:00 është shpërndarë e gjithë baza materiale dhe në 71 qendra ka nisur votimi. Kryetari i KZAZ-së në njësinë 15 është zëvendësuar kryetari me një përfaqësues të shoqërisë civile.
Në Durrës, votimi po zhvillohet normalisht dhe gjithçka është e qetë. Në Rrogozhinë ende nuk është hapur një qendër votimi, për shkak të mungesës së dokumentacionit. Në Tropojë, nuk janë hapur vetëm qendrat e votimit në zonat e thella malore.
Ndërkohë, janë hapur të gjitha qendrat e votimit në Has dhe ka nisur procesi i votimit. Në Kukës, ka problematikë në fshatra për shkak të mungesës së paraqitjes së disa komisionerëve.
Problematika janë vërejtur në bashkitë në jug të vendit, ku në Pogradec po pengohen zgjedhësit në qendrën e votimit në shkollën “Kol Koci”. Në Himarë, në qendrën e votimit 4591 nuk votohet sepse nuk janë paraqitur komisionerët e PD-së dhe PR-së.
Ndërkohë, në Tepelenë fleta e votimit është shtypur me një gabim në renditjen e kandidatëve në garë. Kandidatët e ASHE-së dhe APPD-së renditen të dy me numrin 2 në fletën e votimit. Për shkak të kësaj pasaktësie, është ndërprerë votimi në disa qendra./tesheshi.com/
