Mediat botërore kanë lajmëruar për të disatën herë se lideri i talebanëve, i famshmi Mulla Omar është vrarë në Afganistan.
Siç bën ë ditur agjencia italiane e lajmeve ANSA, kjo është shpallur nga një komunikatë e qeverisë afgane për 1TvNews.
Televizioni ka bërë të ditur se vdekja e Omarit është konfirmuar gjatë një mbledhje të krerëve të sigurisë afgane.
Zërat për një vdekje të drejtuesit shpirtëror të talebanëve janë dhënë disa herë në muajt e fundit, edhe pse faqja web e “Emiratit Islamik”, vazhdon të publikojë mesazhe të tij.
Lajmet mbi aventurat e njeriut për të cilin ka vetëm një foto, janë kthyer në fantazmagorike. Por më i spikaturi është lajmi i vitit 2001, kur Sekretari i atëhershëm i Mbrojtjes së SHBA-së, Donald Rumsfild, deklaroi se Mulla Omari nuk u kap dot nga forcat speciale në malet Tora-Bora, pasi ia mbathi me motoçikletë “papaq”. /tesheshi.com/
