Këshilli për Prokurorë Publikë në Maqedoni, ka anuluar zgjedhjen e prokurorëve që do të jenë ndihmësa të Prokurores Speciale Katica Janeva në hetimet të lidhura me “bombat” e opozitës dhe përgjegjësit e përgjimeve masive. Javën e ardhshme do të dihet zyrtarisht për ekipin zyrtar të Prokurores Speciale.
Anëtarë të Këshillit thonë se nuk ka asgjë kontestuese në anulimin, por thjesht po bëhet për të mos u ngutur në vendime. “Biografitë ende po shqyrtohen, disa nuk i kanë të plota. Ka mundësi që të mos zgjidhen të 14-të kandidatët. Nuk është e obligueshme që Janeva t’i ketë të gjithë, dikush mund të bie”, thanë ata.
Publiku pret që Këshilli ta rishqyrtojë zgjedhjen e prokurores për krim te organizuar dhe korrupsion Lile Stefanova, e cila paraqitet si ndihmësprokurore edhe në rastin “Puç”.
E gjithë kjo pritej të ndodhte pas një përplasje të madhe që kishte ndodhur më 30 shtator në Këshillin për Prokurori Publike të Maqedonisë. Incidenti ka ndodhur kur në Këshill ka ardhur lista e ekipit të Prokurores Speciale, Katica Janeva që të votohet.
Antarët shqiptarë të Këshillit, me të parë se në listë janë Artan Ajro dhe Fatime Fetai, në mënyrë demonstrative kanë lëshuar mbledhjen për shkak se këta dy kandidat nuk janë propozim të BDI-së por të VMRO-DMNE-së dhe Marko Zvrlevskit. Pas kësaj, lista e Jenevës nuk është votuar.
Tensionet janë ngritur aq shumë mes anëtarëve të Këshillit, se si është e mundur që në ekipin e Janevës të emërohen kandidat shqiptarë pa u konsultuar me partinë më të madhe shqiptare, BDI-në.
m.kr-/tesheshi.com/
