Një pjesë e kryeqytetit turk i është dorëzuar pushtetit të ujit mesditën e kësaj të shtune. Siç raporton e përditshmja “Sabah”, kanë mjaftuar 12 minuta shi të rrëmbyeshëm për të përmbytur vendin.
Mamak quhet zona e përmbytur e Ankarasë, ku raportohet për gjashtë persona të lënduar, asnjëri prej të cilëve në gjendje kritike.
Dhjetëra godina, shtëpi, zyra apo mjedise tregtare, janë pushtuar nga uji në një rrugë të kësaj zone, në “”Neshet Ertash”. Mbi 100 makina po ashtu janë dëmtuar nga përmbytja masive.
Kryetari i bashkisë së Ankarasë, Mustafa Tuna, u shpreh në një lidhje të drejtpërdrejtë televizive se një përmbytje e tillë nuk ishte parë në të shkuarën. Ai pohoi gjithashtu se pjesa tjetër e kryeqytetit nuk rrezikonte të pësonte të njëjtën gjë. /tesheshi.com/
