Presidenti amerikan, Barack Obama ndërsa darkonte me homologun kenian pas një dite të gjatë takimesh dhe fjalimesh, ka gjetur momentin të bëjë shaka. Ai i është referuar debatit që ka bërë bujë disa herë në Shtetet e BAshkuara në lidhje me çertifikatën e lindjes së presidentit, e nëse ai plotëson kriteret për të qënë president.
“Dikush në Shtetet e Bashkuara mund të mendojë se kam ardhur për të kërkuar çertifikatën time të lindjes, epo nuk është kështu”, tha Obama.
Komentet e tij janë pritur me të qeshura nga të pranishmit. I ati i Obamës ka lindur në Kenia e në Shtetet e Bashkuara, republikanët ngritën një debat të madh për vendlindjen e presidentit, debat ku u përfshi edhe Shtëpia e Bardhë. /tesheshi/
