Opozita sërish nuk ka lejuar fillimin e seancës së Kuvendit, duke hedhur gaz lotsjellës, çka nuk ka lejuar mbajtjen e seancës. Raportohet se gazi është hedhur nga deputeti i VV-së, Ismail Kurteshi dhe ai i NISMA për Kosovën, Haxhi Shala.
Pas hedhjes së gazit lotsjellës, të gjithë deputetët janë larguar nga salla. Raportohet se seanca do të mbahet në një sallë të improvizuar, kurse deputetët opozitarë janë të mbledhur në hollin e Kuvendit.
Deputeti i VV-së Glauk Konjufca, ka thënë se opozita e pamundëson mbajtjen e seancës pasi pushteti nuk ka realizuar asnjë nga kërkesat e opozitës.
Deputeti i AAK-së Daut Haradinaj deklaroi se qëndrimi i opozitës është i palëkundur dhe pushteti duhet të tërheqë marrëveshjet. Sa i takon arrestimit të deputetit Fisnik Ismailit ai u shpreh se siç duket, pushteti dëshiron të arrestojë çdo deputet të opozitës.
Deri më tani, opozita ka thënë se deputetët do të tentojnë të shkojnë në sallën improvizuese ku pritet të mbahet seanca e radhës./tesheshi.com/
Lajme të lidhura me ngjarjen:
Kuvendi i Kosovës nën rrethim policor në pritje të seancës së paralajmëruar
Po hynte në Kuvend, policia arreston deputetin e VV-së, Fisnik Ismaili
Haradinaj dhe Limaj: Pushteti është bërë shtypës
‘Vetëvendosje’ reagon për arrestimin e Ismailit, kërkon lirimin e tij
Deputetët e opozitës nuk po lejohen të hyjnë në sallën plenare
