Eva Gjura
Inxhinieri
Sazan Guri ka vendosur të lërë pak mënjanë profesionin e tij dhe të përballet me një sfidë të re. Ai ka hedhur kandidaturën e tij të pavarur për Kryetar Bashkie të Tiranës. Në garë për postin e Kryetarit të Bashkisë së Tiranës z. Guri do të përballet me katër kandidatë të tjerë, dy janë të partive kryesore dhe dy të
tjerë të pavarur. Në një intervistë për ‘tesheshi.com’, z. Guri sqaron arsyet pse mori vendimin për të garuar për postin e Kryetarit të Bashkisë së Tiranës. Ai thekson
se ka ardhur në këtë vendim, pasi do të realizojë kauzat e tij në shërbim të qytetarëve të Tiranës dhe vetë qytetit. Gjatë intervistës, z. Guri shpalos pikat
kryesore të programit të tij, por nuk heziton të bëjë edhe një përshkrim për secilin kundërshtarë në këtë garë.
Z. Guri ju jeni shpallur kandidat i pavarur për Tiranën. Pse e morët këtë vendim?
E mora këtë vendim, për t’i shërbyer më mirë qytetarëve të Tiranës dhe të Shqipërisë,në kuadër të kauzave dhe betejave që kam nisur, pjesë e të cilave janë stisur, por ka edhe nga ato të pastisura apo që sapo kanë filluar. Në një pozicion nga një qytetar në kryetar, mendoj se do të ketë më shumë mundësi për t’i mbrojtur dhe zhvilluar këto kauza, sepse jam bërë i njohur në publik për angazhimin tim të shpeshtë dhe pasionant me organet e shtypit, por beteja që më dha pasaportën si luftëtar në shërbim të shoqërisë ishte ajo që e gjithë shoqëria civile zhvilloi kundër importit të papërgjegjshëm të mbetjeve urbane nga Italia, dhe më pas në ndalimin e importit të mbetjeve të armëve kimike nga Siria. Kam qenë njëri nga qytetarët e përpjekur, duke qenë me karizmën time, shtylla kryesore shkencore e konsultave qeveritare deri në protesta qytetare, dhe kam arritur të informoj dhe të zgjoj publikun shqiptar. Dukshëm, kam provuar sesi një betejë apo kauzë të nisë, të nxitet dhe të fitohet. Betejat e mia kanë bërë që qartësia të mbizotërojë mbi amullinë, fryma mbi demagogjinë, dinjiteti mbi egoizmin partiak.
Pse duhet t’ju votojnë juve zgjedhësit e Tiranës?
Sepse përfaqësoj një kauzë, që është e gjithë botës; sepse jam i përplotësuar nga bindja ime, sepse do të mbështesë zërin e tij; sepse do të paraqes brenda një etike morale një “agresivitet” qytetar, sepse nuk do të bëj politikë partie, por politika për të zgjidhur çështje; sepse nuk jam militant, por qytetar i përgjegjshëm në vite, sepse nuk shkoj të përfitoj pushtet në Bashki, por shkoj të përcjell pushtet shkencor; sepse do të krijojmë produkt në shërbim të qytetarit, ku hallin e tyre do ta shohim pa ngjyrë, pa kufij politik, por me kornizë qytetare, sepse jam konservator, sikundër shoqëria shqiptare që nuk pranon perversitet e anarshi, sepse ndryshoj nga ata, që e konsiderojnë pushtetin feud apo nga ata që sillen me të si plejboj; sepse jam një njeri kthjellët në mendje, në zemër, por mbi të gjitha në shpirt dhe si i tillë do të bëj të pamundurën t`i jap vlerë; gjërave që kërkojnë vlerë, qytetarëve që kërkojnë nder, inxhinierëve që kërkojnë dinjitet, ekspertëve që kërkojnë trajtim, pensionistëve që kërkojnë vëmendje, të rinjve si miniera ari që kërkojnë bashkëpunim.
Si është pritur kandidatura juaj ?
Kandidatura ime është pritur në mënyrë shumë të pranueshme nga qytetaret ndoshta për faktin se një numrë i madh i tyrte jane të lodhur, të zhgenjyer nga të dyja forcat e mëdha politike, por ndoshta edhe për faktin tjetër që na dinë se çfarë kemi bërë për 12 vjet dhe çfarë mund të bëjmë. Ndoshta se besojnë tek fryma që japim, tek integriteti ose tek dinjiteti që paraqes. Ndoshta pse dinë që nuk vij me barrë politike, por vij totalisht si një njeri i shoqërisë civile dhe po aq civil si ata.
Si po shkon fushata elektorale?
Fushat elektorale nisi në datën e caktuar brenda ligjit, duke dashur realisht ta respektonim dhe nuk mund t’i ngjante rastit të kandidateve të tjerë që nga njëra anë pretendojnë të jenë qytetarë të parë dhe janë të parët që shkelin ligjin.
Cilat janë pikat kryesore të programit tuaj?
- ‘Ndërtime zero’ brenda unazës së njohur të Tiranës, që do të thotë pikësëpari ruajtje të hapësirave publike të këtyre që kemi.
- Mbetje zero në çdo cep rruge apo të territorit të Bashkisë Tiranë, si në qytet apo fshat, si në zonë të banuar dhe në atë të pabanuar, që do të thotë Ndarje në burim (letër/karton, plastikë, qelq, metal dhe Mb speciale) të llogaritura kosh për banorë, të sistemuara në pozicione jo të dukshme, në brendësi të ndërtesave, të një kompleksi ndërtesash dhe aspak në sistemin rrugor.
- Qytetari tiranas do të harrojë që ajri ka qënë i ndotur, për të cilën në asnjë rast nuk do të lejohet që një punishte, fabrikë, azil, kombinat, restorant, etj. të punojë pa filtra përkatës.
- Uji i pishëm dhe pastër në çdo rubinet të qytetarit, që do të thotë sigurim i sasive nëpërmjet rivlersimit të rezervuarve ujëmbajtës dhe sigurim i sasive plotësuese me ujëra nëntokësorë dhe 300.000 depozita të hequra nga tarracat e pallateve, që dotë thotë të gjitha ndërtesat me çati, e përkthyer ndryshe 10 gradë temperatura me e lartë në verë dhe 5 gradë më e lartë në dimër.
- Ujërat e përdorura nga familjet dhe nga industritë e caktuara në asnjë rast nuk do te lejohen që të shkarkohen në sipërfaqe, në kanale, në ujëra sipërfaqësore (lumë, rezervuar, liqen).
- Asnjë banor nuk do të bashkëjetojë me zhurmat, vibrimet dhe ndotjet elektromagnetike të dala gjatë funskionimit të një biznesi të caktuar (pub, disko, antena dhe njësi të tjera shërbimi) nuk do të lejohen të jenë sikur edhe 0.1 e njësisë të përcaktuar nga norma e standartit europian.
- Shpallje të paprekshme hapësirave aktuale publike dhe rivitalizimi i hapësirave djerrë. Për këtë do të evidentohen me anë të një studimi enkas të gjitha zonat e mundshme që janë apo që duhet të jenë hapsira publike (kende çlodhje argëtimi, lodrash për fëmijë më vetë për moshat e treta më vetë, për gratë shtatzanë me vetë dhe për banorë);
- Krijimi i pasqyrave ujore ose oazeve ekologjik për zbutjen e temperaturave lokale
- Lidhur me transportin urban do të synohet që 100% e rrugëve të Tiranës do të kenë korsinë e dedikuar ekologjike (bicikleta, zbutësa, shënjat, rrugë për paraplegjikun).
- Zero metër kub prerje pyjësh për eksport, duke qenë se bashkia do të kontrollojë 60% të territorit pyjor. ku nuk do tëketë prerje pyjesh në gjendje të lirë për kompani private dhe individë në nevojë sepse për sigurimin e tyre do të caktohet një grup komunal që do të trajtojë këtë situatë;
- Kartë e gjelbërt, që do të thotë akses falas të studentëve, moshës së tretë, invalidëve dhe grave shtatzëna në transport, kafe librari dhe në të gjitha agjensitë publike të bashkisë;
- Lirimi i trotuareve që do të thotë ndërtim i minitregjeve për çdo kompleks të madh banimi, ku do të sistemohen të gjithe shitësit ambulantë aktual të trotuareve, ku këto minitregje do të pajisen me njësi shërbimi si veterinere, mercellogë, njësi paketimi, etj.
-Cila kategori mendoni se do t’ju votojë në këto zgjedhje?
Do të na votojnë qytetarë që kanë përgjegjësi për jeten e familjeve dhe femijve te tyre. Do të na votojnë qytetarët e zhgënjyer, do të na votojnë ata që dikur bënin gjumë, do të na votojnë ata që nuk besojnë as tek programi as tek dinjiteti i kandidatëve të tjerë. Do të na votojnë ata që e ndajnë kush ishte dje dhe bënte dhe kush del sot e gjoja ka bërë, vepra në shërbim të shoqërisë civile. Do të votojnë ata që dijnë të ndajnë një program fallco politik ku gjërat përsëriten prej 25 vitesh me atë që ka programe dhe projekte teknike , ku qytetarët ju zgjidhin problemet dhe hallet.
Cili është gjykimi juaj për kundërshtarët?
Nuk po flas me emra, por të tjerët po të duan le ta gjejnë vetë. Kemi të bëjmë me kandidatë babaxhan, me moshë te pjekur, që gjithë jetën kanë kryer operacione ndërkohë që Tirana në kuptimin menaxherial ka nevojëe për profilaktik. Kemi të bëjmë me kandidatë që është i ri në moshë me energji, por që shpesh xhiron në vend pa eksperiencë, jo i thellë, ku mosha për punëra te tilla menaxheriale kërkon dhe duhet të jetë jo më e vogël se 42 vjeç, kohë kur piqet energjia ekpserienca dhe rrathët e thellë të trurit. Kemi të bëjmë me kandidatë që ka moshë dhe energji, që shumë e etiketojnë si jo të sukseshëm në detyrat politike. Asnjë prej të cilëve dhe me vjen keq ta them. Asnjeri nuk ka vepra dhe punë në shërbim të shoqërisë pjesëmarrje në aktivitete sociale, asnjeri nuk mbaj mend se diku dhe dikur ka bërë, ka thënë, ka zgjidhur apo ka shkëlqyer në një vepër sa publike aq dhe civile.
-Në këndvështrimin tuaj çfarë duhet ndryshuar urgjentisht në Tirane?
Ajo që duhet ndryshuar urgjentisht në Tiranë fryma nga marrje në dhënie. Faqja urbane e Tiranës, nga ndërtime në rehabilitime. Ideologjia, nga politika partie në politika për qytetarët. Ajri, nga ndotje 50 herë më shumë në vit dhe katër herë më shumë në ditë, në një ajër me norma standarte. Zhurma, nga ato që çmendin njerez, në tinguj që kënaqin qytetarët. Uji i pishëm, nga ai që përzihet me ujëra fekale, në atë qe pasurohet me ujë oligomineral 24 orë.
/tesheshi.com/
