Misioni i radhës i ish-homologut të Hashim Thaçit, Ivica Daçiç, njëherit ministër i Punëve të Jashtme të Serbisë, është lufta në lobimin për mosnjohjen e Pavarësisë së Kosovës, edhe pse dalëngadalë po mbushet një dekadë që kur u shpall pavarësia.
Dhe kjo nga ana e shteteve që do të marrin pjesë në Samitin e rradhës së Organizatës Ndërkombëtare të Frankofonisë i cili do të mbahet nga data 22-26 nëntor e këtij viti në Madagaskar.
Në këtë samit nuk dihet nëse është i ftuar edhe Presidenti i Kosovës, Hashim Thaçi, pasiqë Madagaskari nuk e ka njohur ende Pavarësinë e Kosovës. Ndër ata që përmenden si pjesëmarrës në këtë samit është edhe Presidenti i Francës, Fransua Holland, njëherit mik i Serbisë, dhe gjithashtu 80 shtete tjera anëtare dhe vëzhguese.
Vendet të cilat e përbëjnë këtë samit janë një e treta e anëtarëve të Kombeve të Bashkuara dhe që të gjitha përdorin gjuhën frënge si gjuhe zyrtare.
Ka 10 vjet që Serbia është shtet vëzhgues në këtë organizate ndërkombetare, status i cili është fituar në Bukuresht vite më parë. /tesheshi.com/
