“Çfarë faji kemi? Fëmijët e mi mund të hanë vetëm gjethe dhe barishte. Janë duke vdekur. Na sillni ndihmë, na sillni ëngjëj. Për mëshirën e zotit, na ndihmoni”.
Eshtë apeli i dëshpëruar i një banori të Madaya-s, një fshati sirian në malet në afërsi të kufirit me Libanin, vendosur nën rrethim prej një muaji nga ana e ushtrisë së regjimit të Damaskut. Burri flet përmes fotografive e në një video të postuar nga aktivistët lokalë për të denoncuar ndaj situatës së dëshpëruar që mbizotëron në fshat.
“Njerëzit po vdesin ngadalë-ngadalë”, është kjo dëshmia e Louay, një asistente sociale, e cila është edhe e vetë “e burgosur” prej një muaji në këtë fshat. “Njerëzit hanë gjethe e lule që i rrisin në vazo në shtëpi. Edhe unë kam ngrënë petale, ishin shumë të hidhura por nuk kemi gjë tjetër”
Pas një muaji nën rrethim, më në fund, qeveria ka vendosur të lejojë kolonën e parë humanitare të OKB-së dhe programit Botëror të Ushqimit, të hyjnë në fshat. Gjysmëhëna e kuqe njofton se janë të paktën 40 mijë njerëz që duhet të ndihmohen, dhe që kanë nevojë për ndihmë të shpejtë dhe të plotë. “Eshtë një zonë tërësisht e rrethuar nga malet”, shpjegon zëdhënësi Abeer Etefa. “Deri më tani, shumë pak ushqime mund të arrinin përmes një tuneli të hapur ndihmash, por kjo ka ndodhur me një kosto të frikshme”.
“Burra, gra e fëmijë, të gjithë, nga 20 në 70 vjeç kanë humbur të paktën 15 kilogramë. Ka fëmijë që duken si skelete”, tregon
Ebrahem Abbas, një ish-oficer i ushtrisë siriane që ka dezertuar dhe tashmë ka gjetur strehë në këtë fshat.
“Nuk ka një fëmijë të vetëm që nuk i janë bërë sytë si zgavra e që ka pamjen e përhumbur nga uria”. Një aktivist tjetër, Sham Abdullah, tregon se “fëmijët janë supa të përgatitura me gjethe, barishte dhe ujë”.
Nuk ka shifra zyrtare për viktimat e urisë në fshat por OKB ka të dhëna të besueshme për raste të shumta, ndërsa Mjekët pa Kufij vlerësojnë se janë të paktën 23 të vdekur nga uria që nga 1 Dhjetori kur nisi edhe rrethimi i fshatit nga ushtria e regjimit.
Madaya përfundoi nën morsën e ushtrisë sirianë e gjendur në një lojë të komplikuar reprezaljesh mes kryengritësve dhe ushtrisë. Disa dhjetëra kilometra më tej dy fshatra filoqeveritarë thuhet se kanë përfunduar nën të njëjtin trajtim në provincën e Idlibit. Ata mbahen të rrethuar nga një koalicion kryengritësish me lidhje me frontin Al Nusra.
Pas mbërritjes së ndihmave mbrëmjen e së enjtes, tashmë shpresohet në një “shkëmbim popullsish” sikundër ka ndodhur edhe më parë vitin e kaluar për të dërguar ndihma edhe në fshatrat e tjerë të rrethuar.
Përgatiti: Juli Prifti – /tesheshi.com/
