Të gjitha makinat e reja të shitura në Bashkimin Evropian do të kenë një kufi të shpejtësisë – njoftoi Agjencia Evropiane për Sigurinë e Transportit (ETSC).
Limituesit e shpejtësisë, emri i plotë i të cilëve është “Intelligent Speed Assist” (ISA), përdorin softuerin për njohjen e shenjave të komunikacionit si dhe të dhënat e GPS për të përcaktuar shpejtësinë maksimale të lejuar në një pjesë të caktuar të rrugës.
Nëse shoferi është duke ecur më shpejt se sa lejohet, makina do ta paralajmërojë atë së pari dhe më pas do të kufizojë fuqinë e motorit duke e zvogëluar vetë shpejtësinë.
Kjo do të thotë se nëse Gjermania përmbush premtimin dhe fut kufirin e shpejtësisë në autostradë, makinat nuk do të jenë më në gjendje të shkojnë më shpejt se 130 kilometra në orë kudo në Evropë.
“Ky grup rregullash paraqet një hap të madh përpara për sigurinë në rrugët evropiane dhe mund të shpëtojë 25,000 jetë në 15 vjet. Megjithatë, ato do të zbatohet vetëm për automjetet e reja, prandaj është e rëndësishme që të miratohen dhe të zbatohen sa më shpejt që të jetë e mundur. Rregullat mbi sigurinë rrugore në BE u ndryshuan së fundmi në vitin 2009 dhe nuk kemi më kohë për të humbur”, tha Antonio Avenoso, drejtor ekzekutiv i Agjencisë Evropiane. /tesheshi.com/
